Bon Caracter Dushi Scol

In e seccion aki bo por lesa:

  1. con pa trata otro cu respet
  2. con pa ta bo mes
  3. con pa haya sa cual ta bo balornan
  4. con pa controla bo emocionnan
  5. alternativanan pa rabia
  6. con pa hisa bo auto-estima
  7. con pa ta un bon amigo
  8. derecho humano
  9. Bo ta rabia? E costo.. y e prijs....
  10. con pa relax

1. Con pa trata otro cu respet

Como adolescente bo mester compronde e importancia di respet den bo comportacion. Tin hopi moda con bo por mustra respet of sin respet pa cu otro hende. Siña e balor di trata hende cu respet ta habri hopi porta pa bo. E ta cuminsa semper cu siña aprecia e diferencianan di cada hende, enbes di tene miedo di nan. Trata otro cu respet ta haci e mundo cu nos ta biba aden mas dushi. E por ta na cas, na scol of pafor den comunidad. Y e ta hopi facil, djis trata hende manera abo kier wordo trata door di nan. Aki ta sigui algun idea con bo por haci esaki.

  • No insulta hende of haci mofa di nan
  • Scucha otro ora nan ta papia
  • Duna balor na opinion di otro
  • Tene consideracion di loke otro ta gusta y no ta gusta
  • No haci bofon of tenta otro
  • No papia riba hende patras di nan lomba
  • Ta sensibel pa sentimentonan di otro
  • No pone presion pa otro haci loke nan no kier haci.

EPB ta un scol hopi diverso. Un scol unda alumno di diferente cultura, lenga, rasa y historia ta topa otro. E tipo di diversidad aki ta haci nos scol mas dushi y interesante. Pero esaki ta posibel solamente si nos por anda bon cu otro. Ademas di usa e lista aki riba, bo por mustra respet tambe na hende cu ta diferente na bo na e siguente maneranan.

  • Purba siña algo di e otro alumno.
  • Nunca stereotipa nan (cu tur ta mesun)
  • Mustra interes y aprecia nan cultura y historia.
  • No sigui cu otronan cu ta mustra actitud racista.

2. Con pa ta bo mes

Como adolescente bo mester tin un vision di ken bo ta como alumno di E.P.B. Bo tin cu mira bo mes mas como un alumno riba bo mes cu solamente un miembro di un grupo. Bo mester tin confiansa den bo habilidad pa tuma desicionnan, enbes cu laga e grupo tuma decision pa bo. Pa bo por tuma un ‘bon’ decision bo mester usa bo balornan pa guia bo den bo escohencia of accionnan.

No ta facil pa semper ta bo mes. Tin ora, ora cu bo ta den hende, bo ta actua otro cu ora bo ta bo so. Aki bou ta sigui algun moda pa preveni cu esaki ta pasa.

  • Conoce bo balornan y keda semper fiel na nan.
  • Haci bo mesun escohencianan, no djis sigui e grupo.
  • Respeta bo mes.
  • Pensa riba bo metanan cu bo kier logra y actua asina tambe.

3. Con pa haya sa cual ta bo balornan

Bo balornan ta bo lista personal di cosnan cu bo ta considera mas importante den bo bida. Nos tur tin balornan. Pero bo ta haya sa di nan solamente si bo tuma tempo pa bo pensa riba nan. Ta bon pa bo pensa riba bo balornan cu por bai perdi ora di tuma desicionnan importante. Aki bou ta sigui un guia pa bo identifica loke bo ta balora.

  • E ta algo cu ta importante pa bo?
  • Bo ta sinti bo bon cu esaki ta importante pa bo?
  • Bo ta sinti bo bon, pa hende cu bo conoce y respeta, sa cu esaki ta importante pa bo?
  • Bo a yega di haci algo pa mustra cu esaki ta importante pa bo?
  • E ta algo cu bo ta para p’e, aunke otro hende haci mofa di bo?
  • E ta fit cu bo vision di ‘ken bo ta’?

Hopi biaha bo ta haya bo den situacionnan cu bo mester tuma decision y dos balor ta den conflicto cu otro. Den momento nan aki bo mester sa cua di nan tin un balor mas halto y cua un balor mas abou.

4. Con pa controla bo emocionnan

Como adolescente ta normal y saludabel pa bo experencia diferente sentimentonan, sea cu e ta dushi of no.  E ta importante pa bo por identifica y compronde kico bo ta sinti. Asina so bo por mantene un bista cla di loke ta pasando y tuma e mihor desicion  pa trata cu e situacion. Tin diferente manera pa bo expresa bo emocionnan y tambe pa bo controla bo emocionnan. Nos tur ta experencia diferente emocionnan den nos bida. Mayoria biaha e ta algo bon. Pero tin ora nos tin problema pa controla nos emocionnan. Esaki por bai asina leu cu nos ta laga nos emocionnan controla nos comportacion. Mayoria biaha esaki no ta un bon cos. Aki bou ta sigui algun idea cu por yuda bo pa controla bo emocionnan.

  • Sea honesto cu bo mes
  • Papia cu un hende riba bo sentimentonan (loke bo ta sinti)
  • No ignora bo sentimentonan, nan ta conta bo algo
  • Si bo ta sinti un sentimento cu no ta dushi, pensa riba algo cu por yuda bo  y haci’e
  • Busca manera positivo di expresa bo rabia cu no ta haci otro dolor
  • Corda semper, loke sea cu bo ta sinti, no ta bo so ta sinti asina
  • Trata di no sinti cu cos ta demasiado pisa y cu no tin solucion, mayoria biaha cos ta mehora
  • Si toch bo sinti cu e ta demasiado y bo no por mas, pidi ayudo

 

5. Alternativanan di rabia

  • Ta bo mes - bo ta loke bo loke bo ta sinti, papia y haci. Bo ta responsabel pa nan y no otro hende.
  • Rabia semper ta sigui otro sentimento manera frustracion, miedo of herida. Hopi biaha bo no ta ripara nan y nan ta dificil pa splica.
  • Purba expresa bo sentimentonan den palabra. Ta herida, tin miedo y frustra ta parti di un ser humano.
  • E forma con bo ta rabia y loke bo ta haci cu bo rabia ta un habito. Si regularmente bo ta baha bo rabia door di grita, tira cos of bati otro, bo tin cu cambia e habito ey.
  • Actividad fisico, manera deporte, ta yuda baha e preshon pero e no ta resolve e problema.
  • Si bo ta rabia, purba di cana rond, of papia riba dje. E ta dificil pa haci ora bo ta rabia, pero corda, manera tur sentimento, si bo expres’e na un manera cu otro persona por tolera, e rabia lo baha.

6. Con pa hisa bo auto-estima

Como adolescente bo mester sa cu bo auto-estima ta afecta bo bida. Tambe bo mester sa cu tin un relacion entre bo auto-estima y e desicionnan cu bo ta tuma den bo bida. Tin hopi cos cu bo mes of otro hende ta haci cu por subi of baha bo auto-estima. Pesey mes bo mester siña maneranan pa hisa bo auto-estima. Bo mes tambe mester bira mas conciente di maneranan con abo ta afecta auto-estima di otro hende.

E moda con bo ta sinti di bo mes tin hopi efecto con bo ta trata bo mes y otronan. Tambe riba e escohencianan cu bo ta haci. Aki bou ta sigui algun cos cu bo por haci pa proteha, hisa of reinforsa bo auto-estima.

  • Pasa tempo cu hende cu ta gusta bo y ta preocupa pa bo
  • Ignora (y keda leu di) hende cu ta kibra bo of cu ta trata bo malo
  • Haci cosnan cu bo ta haya dushi of cu ta laga bo sinti bon
  • Haci cosnan cu bo ta bon aden
  • Recompensa bo mes pa cosnan cu bo a logra
  • Desaroya bo talentonan
  • Ta bo mes mihor amigo, trata bo mes bon y haci cosnan cu ta bon pa bo
  • Haci bon escohencia bo mes y no laga otronan haci escohencia pa bo
  • Tuma responsabilidad pa bo mes, pa bo escohencianan y bo accionnan
  • Semper haci loke bo ta kere ta bon
  • Keda fiel na bo mes y bo balornan
  • Respeta otro hende y trata nan bon
  • Pone metanan y traha pa bo logranan.

 

7. Con pa ta un bon amigo

Como adolescente bo mester por reconoce un bon amistad. Ta masha normal cu amistad ta cambia segun bo ta bira grandi. Pero ta importante pa bo sa con pa mantene un bon amistad den e tempo un poco dificil di cambio den bida di un adolescente. Como hoben ta bon pa bo ta habri tambe pa amistadnan cu ta diferente na nos.

Pa bo tin bon amigonan bo mes mester ta un bon amigo. Aki ta sigui algun bon ideanan con bon amigonan mester trata otro.

  • Bon amigonan ta scucha otro
  • Bon amigonan no ta kibra otro of haci otro dolor sentimentalmente
  • Bon amigonan ta purba di compronde e sentimento y beis di otro
  • Bon amigonan ta yuda otro resolve problema
  • Bon amigonan ta duna otro elogio
  • Bon amigonan por tin disacuerdo sin haci otro dolor
  • Bon amigonan bo por depende riba nan
  • Bon amigonan ta respeta otro
  • Bon amigonan bo por confia nan
  • Bon amigonan ta duna otro e espacio pa e cambio
  • Bon amigonan ta yuda otro.

 

8. Derecho Humano

Nos tur tin e derecho….y otronan tambe tin e derecho….

  • pa wordo trata cu respet
  • Pa tin y por expresa sentimento y pensamento
  • Pa wordo trata na serioPa pone prioridadnan
  • Pa bisa ‘NO’ sin sinti culpabel
  • Pa pidi ayudo sin sinti culpabelPa haci fout Pa scohe mi mesun comportacionPa ta sigur di bo mes of noPa ta sinti sigurPa no wordo intimidaPa wordo scuchaPa preocupa pa famia y amigonan

 

 

9. Abo ta rabia?  ……E costo... y e prijs.....

E costo:

Tur cos ta costa algo. E prijs cu bo ta paga pa con bo ta expresa bo rabia por ta hopi halto cu lo bo tin gana di siña con pa expresa bo mes na un forma cu no tin un prijs asina halto.

Si of no?

  • Mi  a hayami den mas di un pelea di mokete den e aña cu a pasa
  • Mi amigonan y otro hendenan cu mi ta confia ta bisami cu mi tin problema cu mi rabia, of cu mi ta un hende cu odio
  • Por lo menos un bes pa luna mi ta bira asina rabia cu casi mi no por controla mi mes.
  • Tin ora mi ta haci cosnan den mi rabia cu mi ta lamenta despues.
  • Ora mi ta rabia, mi no ta importa cu ken mi ta rabia. Mi ta actua semper mescos cu tur hende sin importa ta ken
  • Ora mi rabia mi no por wanta mi boca sera
  • Den e dos aña cu a pasa mi a haya problema na cas, na scol, of cu polis pa loke mi a haci ora mi tabata rabia
  • Hende tin miedo dimi, of nan ta bisa cu nan tin.
  • Mi ta un hende cu rabia (cu odio).
  • Ora mi ta rabia mi ta purba haci otro dolo.
  • Mi no por controla loke mi ta haci ora mi ta rabia.
  • Ora hende haci mi algo, mi ta planea vengansa y hopi biaha mi no  ta para te ora mi haci’e
  • Parti dimi ta gusta (sinti bon) ora mi haci otro hende cu ta pone mi rabia dolor. Paso nan merece
  • Tin ora, ora mi rabia bira loco, mi no ta importa loke e otro hende ta bisa. Mi ta djis explota
  • Tin ora, ora mi rabia bira loco, mi no por papia di dje. Mi no sa kiko pa haci ora mi ta dje rabia ey.
  • Mi a perde amigonan den e ultimo dos añanan pa motibo di loke mi a haci ora mi tabata loco rabia (furioso)
  • Mi ta keda wanta paden pa dianan largo y depues mi ta explota  riba hende cu ta of no ta mes e persona cu a lagami rabia
  • Mi ta saca mi rabia riba otro hende y no esun cu mi ta cu ne
  • Mi no por scucha e otro persona loke e ta bisa ora e ta rabia cu mi, of ora mi ta rabia cu ne.

Tarea: Conta awor bo si-nan. Si bo tin un si so bo ta paga un prijs modera pa bo rabia. Si bo tin tres si, e prijs cu bo ta paga ta halto. Mas cu cinco, e prijs ta bira hopi halto.

.... e prijs....

Cua prijs lo bo por ta pagando?

Tarea:  Marca (x) pa e prijs cu bo ta pagando

  • Hende tin miedo y/of ta sinti nan intimida pa mi. Nan ta wanta nandistancia
  • Mi ta haya mi mes den problema pa cosnan cu mi ta haci ora mi tarabia
  • Mi a yega di perde pelea, y mi a keda cu hopi dolor (maltrata)
  • Mi a yega di kibra cos ora mi tabata rabia (p.e. amistad, lampi,muraya etc.).
  • Mi a yega di wordo aresta of haya problema na scol pa loke mi a hasi ora mi tabata rabia
  • Mi a yega di wordo hospitalisa pa mi rabia
  • Mi famia/amigonan no ta confiami ora mi ta rabia
  • Mi ta sinti mi culpabel of cu berguensa pa loke mi a haci den mi rabia
  • Mi ta sintimi sin control ora mi rabia
  • Mi tin miedo di mi rabia
  • Mi a perde hopi tempo y energia pa ta rabia y pa planea revancha
  • Tin ora mi rabia ta lagami sinti fisicamente malo (dolor di cabes dor die tension, dolor di stoma, nausea etc.)
  • Tin caminda cu mi no por bai of hende cu mi no por ta cu nan pa via di mi rabia y pa loke mi a haci ora mi tabata rabia
  • Masha poco biaha mi ta sintimi cu pas (relax). Tur ora mi ta den un of otroconflicto
  • Masha poco biaha mi ta sintimi sigur (safe). Mi mester ta semper alerto.

Esaki ta djis e cuminsamento. Si bo sinta keto y pensa, seguramente bo por pensa otro dies prijs mas cu bo ta pagando pa bo rabia. Tin un prijs, pero awor abo por scohe si bo kier page of no.

 

10 Con pa relax

 

1-2-3 RELAX

Awor bo mester sa caba kico ta pasa den bo ora bo rabia. Wel, kico bo por haci anto? E palabra grandi ta ANDA (eng= COPE). Siguramente ya bo a cuminsa anda cu e sentimento di rabia riba bo mes caba:

  • Bo a bisa bo amigonan pa nan no haci bo rabia (no cuminsa cu mi, bo sa con mi ta bira).
  • Bo ta bai for di bo cas prome cu bo cuminsa bringa cu bo mayornan.
  • Bo ta dal muraya enbes di otro hende.
  • Bo ta evita hende of situacionnan cu ta pone bo rabia.

Tur esakinan ta formanan di anda cu bo sentimento di rabia. Awor a yega ora pa bo siña maneranan nobo con pa con pa anda cu’ne y practicanan tambe.Un moda con pa anda cune ta baha e forsa di bo sensacion di bo curpa. Si bo curpa no ta sinti asina rabia, bo tampoco lo ta sinti asina. E technica aki ta hopi facil. E ta yama 1-2-3 RELAX. Dor cu diferente hende ta sinti rabia na diferente manera, bo mester siña conoce na unda den bo curpa bo ta sinti e rabia. E por ta e parti mita ariba of mita abou? Loke bo ta haci ta:

  • Na conteo di 1, relax e parti ariba di bo curpa of e parti abou (na unda bo ta sinti e rabia mas fuerte) y hala un rosea profundo.
  • Na conteo di 2, relax e otro mita di bo curpa y wanta bo rosea aden.
  • Na conteo di 3, relax bo curpa completo y laga e rosea sali poco poco.

Singun bo ta compronde con pa haci esaki, e cos mas importante ta bira practicanan tambe y sa na unda bo mester use. Pa laga e metodo aki traha pa bo, e bo mester practica te na un punto cu e ta wordo haci automaticamente sin pensa hopi riba dje. Practica ta hopi importante. Si bo ta sinti cu e no ta traha, bolbe haci’e un biaha mas, si ainda e no ta traha tuma un rato pa fria cabes. Tin hende ta bisa “Mira, mi ta hopi rabia y mi tin miedo cu lo mi haci algo kens, duna mi 5 minuut pa mi fria cabes un rato y mi ta bin bek pa nos papia riba e cos aki” Den e tempo pa fria cabes bo ta tuma un tempo mas largo pa relaha. Ta OK pa bo ta rabia ainda, pero no na e punto cu bo ta perde control.

EPB Onderwijs

03 November 2015
07 September 2015
07 September 2015
07 September 2015
07 September 2015
07 September 2015
07 September 2015

Praktische Informatie

27 March 2017
07 September 2015
07 September 2015
07 September 2015
07 September 2015

Organisatie

07 September 2015
07 September 2015
07 September 2015

Social Media

Contact Us

Stichting EPB Aruba

Santa Cruz 42

Telefoon: +297 585 7780

Email: h.bosma@sepb.aw

Fax: +297 585 5982

Websitewww.epbaruba.com

Login Docenten

De Stichting Educacion Profesional Basico (SEPB) is de overkoepelende Stichting die het beheer en management van het lager beroepsonderwijs op Aruba voert.

De SEPB stelt zich ten doel om leerlingen, ongeacht hun geloofsovertuiging, zowel algemene vorming als specifieke beroepsvorming aan te bieden.

De Stichting heeft twee EPB-scholen, gevestigd in Oranjestad en San Nicolas.